Results News - RTMNU Summer 2019 Results- Click Here..

Search Any Result / Job :

Wednesday, August 13, 2014

Nagpur University Special Exam 2014 Time Table, Application Process

Nagpur University Special Exam 2014 Time Table, Application Process


राष्ट्रसंत तुकडोजी महाराज नागपूर विद्यापीठाने अखेर ६३ कॉलेजेसमधील ६६१६ विद्यार्थ्यांकरिता विशेष परीक्षा घेण्याचा अंतिम निर्णय घेतला. त्यासोबतच त्या विद्यार्थ्यांची विशेष परीक्षा २८ ऑगस्टपासून घेण्यात येईल, तसे वेळापत्रकही सोमवारी जाहीर करण्यात आले. दरम्यान, ही विशेष परीक्षा हायकोर्टाच्या निकालाच्या अधीन राहील, असे परीक्षा नियंत्रक विलास रामटेके यांनी काढलेल्या परिपत्रकात नमूद केले आहे.

गेल्या वर्षभरापासून प्रवेश बंदी घातलेल्या कॉलेजबाबत वाद सुरू होता. नियमित शिक्षक नसल्याच्या कारणास्तव विद्यापीठाने २५० कॉलेजेसवर बंदी घातली होती. तर ज्या कॉलेजमध्ये एक किंवा त्यापेक्षा अधिक शिक्षक नियुक्त केले आहेत आणि २४ सप्टेंबर २०१३ च्या आत विद्यार्थी प्रवेश झालेल्या ६३ कॉलेजेसला बंदी आदेशातून सवलत द्यावी, असा निर्णय विद्वत परिषदेने घेतला होता. दरम्यान, राज्य सरकार आणि कुलपती कार्यालयाने ६६१६ विद्यार्थ्यांच्या विशेष परीक्षेच्या निर्णयावर शिक्कामोर्तब केले. त्यामुळे विद्यापीठ प्रशासनाने तातडीने त्या विद्यार्थ्यांची परीक्षा घेण्याकरिता हालचाली सुरू केल्या. नियमित शिक्षक नसताही कॉलेजमध्ये विद्यार्थी प्रवेश होत असल्याची​ याचिका सुनील मिश्रा यांनी हायकोर्टात दाखल केली आहे. त्यावर अद्याप हायकोर्टाने अंतिम निर्णय दिलेला नाही. त्यामुळे विशेष परीक्षा ही हायकोर्टाच्या निकालाच्या आधीन राहील, असे कुलसचिव डॉ. अशोक गोमाशे यांनी स्पष्ट केले आहे.

विशेष परीक्षेबाबत गुरुवारी निर्णय

याचिकेवर गेल्या आठवड्यात झालेल्या सुनावणीत ​विद्यापीठाने विद्यार्थ्यांच्या विशेष परीक्षेला कुलपतींनी मान्यता दिल्याचे नमूद केले होते. मात्र, त्यावर सुनील मिश्रा यांनी हरकत घेतली होती. विद्यापीठाने मंजूर केलेला अध्यादेशाला मान्यता देताना कुलपतींनी हायकोर्टाच्या पुढील आदेशाच्या अधीन राहून विशेष परीक्षा घ्यावी, असे नमूद केले होते. कुलपतींना असे सशर्त अध्यादेश मंजूर करता येत नाहीत, असा आक्षेप घेण्यात आला होता. त्यावर आता १४ ऑगस्टला सुनावणी होणार आहे. त्यापूर्वीच विद्यापीठाने २८ ऑगस्टपासून विविधी कोर्सेसच्या प्रथम वर्षाच्या परीक्षांचे वेळापत्रक जाहीर केले आहे. त्यामुळे त्यावरही याचिकाकर्त्यांतर्फे हरकत घेण्याची शक्यता व्यक्त करण्यात येत आहे.

प्रवेश नोंदणीला तीन दिवसांची मुदत

विद्वत परिषदेने ६३ कॉलेजवरील प्रवेशबंदी मागे घेण्याबाबत चार मार्च २०१३ रोजी निर्णय घेतला होता. त्यावेळी त्या कॉलेजेसमध्ये ६६१६ विद्यार्थ्यांनी प्रवेश घेतल्याचे विद्यापीठाच्या नोंदीत होते. परंतु, आता वर्षभरात अनेक विद्यार्थ्यांनी कॉलेजेसमधून प्रवेश रद्द केला आहे. त्यामुळे विद्यापीठाने विशेष परीक्षेला पात्र असणाऱ्या विद्यार्थ्यांची माहिती मागवण्याचा निर्णय घेतला. त्याकरिता त्या विद्यार्थ्यांच्या प्रवेशाला अधिकृत करण्यासाठी विद्यापीठ नोंदणी क्रमांक देणे आवश्यक आहे. त्याकरिता विद्यापीठाने कॉलेजेसला १४ ऑगस्टपर्यंची मुदत दिली आहे. कॉलेजेसने प्रवेश दिलेल्या विद्यार्थ्यांची माहिती सबळ पुराव्यासह १४ ऑगस्टपर्यंत सादर करावी, असे परिपत्रक काढण्यात आले आहे. तसेच त्याविद्यार्थ्यांनी २१ ऑगस्टपर्यंत परीक्षा अर्ज विद्यापीठात सादर करावे, असेही त्यात नमूद केले आहे.

या कोर्सेसची होणार परीक्षा Following is the List of Examination RTMNU

विद्यापीठाने अध्यादेश क्रमांक ६/ २०१४ च्या तरतूदीनुसार पुढील कोर्सेसक​रिता विशेष परीक्षा घेण्याचा निर्णय घेतला आहे. त्यात बी.ए. नागरी सेवा (२८ ऑगस्ट ते १५ सप्टेंबर), बॅचलर ऑफ कम्प्युटर अप्लिकेशन (२८ ऑगस्ट ते २२ सप्टेंबर), बी.कॉम. कम्प्युटर अप्लिकेशन (२८ ऑगस्ट ते १० सप्टेंबर), बॅचलर ऑफ फाइन आर्टस्, बॅचलर ऑफ लायब्ररी सायन्स (३० ऑगस्ट ते ११ सप्टेंबर), बीएससी आयटी (२८ ऑगस्ट ते २२ सप्टेंबर), बीएससी होम सायन्स (३० ऑगस्ट ते १६ सप्टेंबर), मास्टर ऑफ कम्प्युटर मॅनेजमेंट पहिले सेमिस्टर (२८ ऑगस्ट ते ५ सप्टेंबर), मास्टर ऑफ कम्प्युटर मॅनेजमेंट दुसरे सेमिस्टर (८ सप्टें. ते १५ सप्टे.), बीएससी पहिले सेमिस्टर (२८ ऑगस्ट ते १६ सप्टे.) बीएससी सेकंड सेमिस्टर (१७ सप्टे. ते ९ ऑक्टोबर), मास्टर ऑफ लायब्ररी सायन्स पहिले सेमिस्टर (३० ऑगस्ट ते ११ सप्टें.), मास्टर ऑफ लायब्ररी सायन्स सेकंड सेमिस्टर (१३ सप्टें. ते २५ सप्टें.) बी.ए. भाग एक (२८ ऑगस्ट ते १९ सप्टें.), बी.कॉम भाग एक (२८ ऑगस्ट ते १२ सप्टे.)


विद्वत परिषदेच्या बैठकीपूर्वी निर्णय

विशेष परीक्षा घेण्याबाबत कुलपतींनी निर्णय घेतला, परंतु विद्यार्थ्यांना त्या परीक्षेच्या निकालाच्या अधीन राहून पदवी दुसऱ्या वर्षात तात्पुरता प्रवेश देण्यात यावा, अशी दुरुस्तीदेखील सुचवली. त्यामुळे कुलपतींनी सुचवलेल्या दुरुस्तीसह नवा अध्यादेश तयार करण्यात आला. त्या अध्यादेशाला १३ ऑगस्ट रोजी विद्वत परिषदेत सादर करण्यात येणार आहे. त्यानंतर त्यावर व्यवस्थापन परिषदेची मान्यता आवश्यक आहे. तेथून सुधारित अध्यादेश कुलपती कार्यालयात परत सादर होणार आहे. ही लांबलचक प्रशासकीय प्रक्रिया होत असतानाच १४ ऑगस्टलाच हायकोर्टात त्या मुद्द्यावर सुनावणी होणार आहे. त्यापूर्वीच विद्यापीठाने विशेष परीक्षेचे वेळापत्रक जाहीर केले आहे. त्यामुळे कुलपतींनी मान्यता दिलेल्या अध्यादेश, सुधारित अध्यादेश आणि विशेष परीक्षेचे वेळापत्रक याची माहिती १४ ऑगस्टला विद्यापीठातर्फे हायकोर्टात सादर होणार असल्याचे विद्यापीठातील वरिष्ठ अधिकाऱ्याने सांगितले. 

No comments:

Post a Comment

Thanks For Visiting www.resultshub.net

Related Posts Plugin for WordPress, Blogger...

Google+ Followers..Join Now

Search Results, Jobs..